ANAA sa kapin P900-K ang gibanabanaang damyos sa mga istraktura nga nasunog kaadlawon sa Martes, Pebrero 21 sa Lote, Brgy. Calumpang.
Kini segun sa assessment sa Bureau of Fire Protection kun BFP-GenSan, apan gitino ni SFO Perfecto Roda, investigator nga motaas pa ang damyos tungod wala pa naapil ang mga kabtangan nga naapil sa sunog.
Anaa sa 8 ka business establishment ang nasunog ug sa likod niini naangin ang 10 ka mga balay, apan gituohan nga may mga nagpuyo usab sa mga nasunog nga establismento.
Walay samaron, apan may usa nga namatay human giatake matud pa sa kasing kasing mugna sa pagkalisang sa sunog.
Sa inisyal nga imbestigasyon sa BFP sa paghinabi sa mga duol sa nahitaboan nga sa printing shop nagsugod apan ilaha pang balikan ang lugar aron sayron unsa gayud ang tinuod nga hinungdan sa sunog.
