Tuloy na tuloy na ang pagsasagawa ng Roxas Boulevard Promenade sa kahabaan ng Roxas Boulevard sa Pasay City.
Ito ay matapos mapirmahan ng Metropolitan Manila Development Authority (MMDA) at Philippine Reclamation Authority (PRA) ang kasunduan tungkol sa pagsasagawa ng 800-meter linear park sa nasabing lugar.
Kaugnay nito, binigyang-linaw naman ng MMDA na bagamat sa kanila manggaling ang pondo sa pagpapatayo nito ay tutulong naman ang lokal na pamahalaan ng Pasay sa pagme-maintain, pag-aalaga at pagpapaganda pa lalo ng Roxas Boulevard Promenade.
Samantala, inaasahan namang matatapos ang konstruksyon nito bago ang paparating na pasko.
