Sangka jewelry store sa sueod it sangka mall sa banwa it Balasan, Iloilo ro tinakawan it masobra P5 milyon nga balor it mga alahas, kwarta ag cellphone.
Natabo ro pagpanakaw ku gabii it Disyembre 4 kung siin, ginapatihan ro mga manakaw hay kaeakip sa sangka “organized group,” bangud gin-gabutan ro dingding it mall para makasueod sa nasambit nga jewelry store.
Base sa Balasan MPS, nabuoe it mga manakaw ro kapin sa 964 nga alahas nga nagabalor it P5 million.
Hatakaw man it mga raya ro 29 units it mobile phones nga nagabalor it P300,000 ag nasamad pa ro tatlong vault nga may sueod nga P36,000.
Nasayuran nga tatlong security guards ro naka-duty kat matabo ro insidente it panakawan.
Nagapadayun man ro imbestigasyun it mga otoridad para matumod ro mga suspek nga nagpanakaw sa nasambit nga jewelry store. / ANN DESLENE SALAZAR
