Naaresto ro 18 ka mga suspek ag kapin sa P3M nga balor it illegal nga droga ro nakumpiska it mga kapulisan sa bilog nga Western Visayas sa ginpatigayun nga sang adlaw nga operasyon, halin it alas 6 it agahun it July 25 hasta alas 5:59 it agahun it July 26, 2024.
Sa 18 ka mga naaresto, pito kara ro high value individuals ag 11 ro street level individuals.
Sa bahin it Capiz Police Provincial Office ro may pinakamabahoe nga volume it droga ro nakumpiska nga umabot sa P850,000 nga sinundan it Iloilo City Police Office nga nakakumpiska it suspected shabu nga may balor nga P748,000.
Gindayaw man ni PRO6 Regional Director Brigadier General Jack L. Wanky, ro mga operatiba sa andang pagtinguha nga mapabaskug ro kampanya kontra sa illegal nga droga. // ANN DESLENE SALAZAR
