P18K kahalitan, ginbilin sa nasunog nga balay sa Pilar

Ginkasubo sang mag-asawa nga sanday Rona kag Renato Vera matapos nga gintupok sang kalayo ang ila balay sang tinalikdan nga Lunes sang Hapon, sa Sitio Patyo, Brgy. Casanayan Pilar, Capiz.

Suno kay FO1 Crisia Burgos, imbestigador sang BFP Pilar, ginpahayag  sini nga nakabaton sila sang tawag takna-alas 3:40 na sang hapon apang sa ila pagresponde madasig nga ginlamon sang kalayo ang nasambit nga balay nga human sa light materials.

Dugang pa sini, nagdangat naman sa mas o menus P18,000 ang kahalitan sang amo nga sunog. Sa karon, nagapadayon pa ang imbestigasyon sang Pilar Municipal Fire Station sa gintunaan sang sunog.

Leave a Reply

Your email address will not be published. Required fields are marked *