Ginaboebanta nga kapin sa P1.3 million nga balor it shabu ro nakumpiska sa sangka ex-convict ag market vendor sa ginkasa nga buy bust operation it Iloilo PNP kahapon.
Ginkilaea ro suspek nga si Res Leonardo, 46yo, market vendor ag residente it Zone 2, Brgy. Tanza, Ezperanza, Iloilo City.
Nadakpan raya it mga operatiba matapos nagbaligya it sangka sachet it suspected shabu sa Brgy Taal, Molo, Iloilo City.
Narekober man sa suspek ro 26 pang sachets it illegal nga droga.
Umabot sa 200 gramo ro mga nakumpiskang shabu sa suspek nga may standard drug price nga P1,360,000.
Base man sa pamunuan it Regional Police Drug Enforcement Unit VI, ro suspek hay sangka bodegero ag may koneksyon sa sangka inmate sa National Bilibid Prison (NBP) nga sangka Mark Baylon.
Si Leonardo hay nakulong sa kasong homicide ag natapos ro sentensya sa NBP, pero ku2018, napabahin raya sa listahan it mga natokhang sa nasambit nga lugar.
Ginpamalibaran man it suspek nga imaw hay nagagamit it illegal nga droga.
Samtang, nagapangatubang ro suspek sa kasong paglabag sa RA 9165 o Comprehensive Dangerous Drugs Act of 2022. / ANN DESLENE SALAZAR
