LEGAZPI CITY – Hasta sa ngunyan wara pang nababaretaan o nareresibeng impormasyon an Overseas Worker’s Welfare Administration (OWWA) Bicol hale sa main office na igwa nin mga Bicolanong nag-uruli hale sa Israel o sa Gaza Strip huli kan presenteng kariribokan o gyera duman kontra Hamas militant group kan Palestine.
Sa intrevista kan Brigada News FM Legazpi kay OWWA Bicol Information Officer 2 Bernard Bonnet, sinabi kaini na kadaklan sa mga nagauruli basado sa datos mga taga Gaza Strip.
Alagad, kadaklan kan mga Pilipinong nasa Gaza, mga undocumented workers kun kaya dae pa ninda madeterminar sa ngunyan kun sain haleng mga rehiyon ito huli ta wara sindang record.
Sa Israel man, wara pa su boot ki mga nagre-request for repatriation.
Mientrastanto, may naiuli man su boot na Bicolano alagad bangkay na ini. Alagad pigklaro ni Bonnet na wara man ini nin kinaaraman sa gyera.
