Nagkaroon ng pagbaba sa Over All Rate ng Sorsogon 2 Electric Cooperative o SORECO 2 ngayong buwan ng Hulyo kumpara noong nakaraang buwan ng Hunyo.
Sa datos ng kooperatiba mula sa dating ₱14.1935/ kWh noong buwan ng Hunyo ay bumaba ito sa ₱12.5990/ kWh ngayong buwan o katumbas ng ₱1.5945/ kWh na pagbaba.
Bumaba din ang Generation System Charge kung saan mula sa P8.4120/kWh noong nakaraang buwan ay bumaba ito sa ₱7.1411/ kWh ngayong buwan.
Ibig sabihin, nagkaroon ng pagbaba sa presyo ng kuryente na binibili ng kooperatiba sa Wholesale Electricity Spot Market o WESM ng ₱1.2709/kWh.
Nagkaroon din ng pagbaba na ₱0.0275/ kWh sa Transmission System Charge sa parehong peryodo kung saan mula sa ₱0.6448/ kWh na charge sa pagdala ng kuryente mula sa planta patungong Soreco 2 gamit ang transmission grid na ang bayad ay napupunta sa NGCP ay bumaba ito sa ₱0.6173/ kWh habang ₱1.4379/ kWh naman ang ibinaba sa Basic Charge matapos na maging ₱10.7749/ kWh na lamang ito ngayong buwan kumpara sa ₱12.2128/ kWh sa nakaraang buwan mga Hunyo.
