Kinuwestiyon ng opposition lawmaker kung bakit nananatiling hindi pa nagagastos ang P173 billion sa ilalim ng Bayanihan to Recover as One Act sa kabila na papalapit na ang June 30 expiration.
Kaugnay nito, iminungkahi ni Senator Francis “Kiko” Pangilinan na kailangan kumilos na ang Executive Department para ma-obligate, at mailabas na ang pondo sa ilalim ng Bayanihan 2.
Ayon kay Pangilinan, batay sa pagdinig ng Senate of the Whole committee kaugnay sa vaccine rollout, nadiskubre na ang “tepid” government response sa pandemic ay lalo lang nagpapatuloy na bumagsak ang economic recovery sa bansa.
Binanggit ng senador ang bureaucratic problems at kakulangan ng transparency kaugnay sa kung may readily available funds ba magagamit sa krisis.
Una nang inamin ni Budget Secretary Wendel Avisado na ang one-fourth sa pandemic stimulus measures ng bansa ay nanatiling hindi nagagastos mahigit isang taon nang magsimula ang local coronavirus outbreak. // MHEL PACIA-TRINIDAD
