DILI maapektohan ang operasyon sa mga departmanto sa LGU sa gensan sa pagkaltas sa tinuig nga budget karon tuiga, giangkon sa opisyal nga ang gikaltas sa budget ang napadulong sa priority project sa mayor.
Kini ang gibutyag ni Atty. Franklin Gacal Jr., city administrator sa LGU-GenSan human giangkon nga gikaltasan og 35 porsyento ang annual budget sa tanang departamento sa LGU. Gumikan sa epekto sa Covid-19 pandemic, asa wala pa kaayo nakabalik sa normal ang income sa siyudad.
Dugang pasabot ni Gacal Jr., napadulong sa prayoridad nga proyekto sa mayor ang nakaltas nga budget gikan sa mga departamento. Apan giklaro sa opisyal nga nagpabilin ang pondo alang sa AMPING ug EDUKAR program sa LGU. I Richel Gubalani
