LEGAZPI CITY – Arestado ang isang operation manager sa P-1, Brgy. Bagumbayan, lunsod ng Legazpi sa ikinasang gun buy-bust operation.
Kinilala ang suspek na si alyas “Tope”, 41 anyos at residente ng nasabing barangay.
Ayon sa report, hapon nang ikasa ng mga kapulisan ang nasabing operasyon sa lugar, kung saan pinagbentahan ng suspek ang isang poseur buyer ng hindi lisensyadong baril.
Nang magkaabutan umano ng pera ay dito na inaresto ang suspek at narekober sa kanya ang isang Caliber 40 “Glock 22” pistol.
Hinanapan din ito ng mga dokumento subalit walang maipakita sa mga otoridad dahilan upang matuluyang maaresto ito.
Sa ngayon ay mananatili muna sa Legazpi CPS ang suspek para sa kaukulang disposisyon.
