Nahaharap sa bagong akusasyon ng sexual harassment ang opera star na si Placido Domingo mula sa kapwa Spanish singer.
Sa isang pagsisiyasat noong 2020, mahigit tatlong dosenang singers, dancers, musicians, voice teachers at backstage staff ang nagsabing nakasaksi o nakaranas sila ng hindi naaangkop na pag-uugali ni Domingo.
Ang pinakahuling akusasyon ay nagmula sa isang hindi kilalang mang-aawit sa La Sexta television channel ng Spain.
Ikinuwento niya kung paano hiniling diumano ni Domingo na hawakan siya pagkatapos ng rehearsal. Sa isa pang pagkakataon ay sinubukan umano siyang halikan nito.
Sinabi ni Domingo sa isang pahayag na iginagalang niya ang mga desisyon ng kababaihan na magsalita at ikinalulungkot niya ang pananakit na idinulot nito sa kanila.//CA
