LEGAZPI CITY – Isinagawa ng Department of Social Welfare and Development (DSWD) Bicol ang opening ceremony ng Trade Fair ng Enhanced Partnership Against Hunger and Poverty sa isang mall sa lunsod ng Legazpi kung saan dinaluhan ito ni Assistant Regional Director for Administration Raul Enojas kasama ang mga kawani ng EPAHP, KALAHI-CIDSS, at Sustainable Livelihood Program.
Sa kaniyang mensahe, nanawagan ang ahensya na tayo’y magsama-sama sa paglaban sa kagutuman at kahirapan.
Magagawa lamang ng tanggapan at ng mga LGU na maiahon mula sa kahirapan ang mga mamamayan kung maayos ang pagpapalakad ng programa at sa pamamagitan ng pakikipagtulungan sa pamahalaan.
Samantala, kasama rin ng ahensya sa aktibidad ang mga katuwang nito particular ang DAR, DA-ATI, mga community-based organizations na kasama sa programa at iba pa.
