LEGAZPI CITY – Epektibo na ngunyan na aldaw nin undas an one-way route sa siyudad kan Tabaco.
Ini huli sa one-way traffic scheme na nakapalaog sa Executive Order No. 037 series of 2023 kan lokal na gobyerno kan syudad.
Saro ining detalyadong traffic management plan asin precautionary measure na madurar nin duwang aldaw katakod kan undas kun sain nagmamawot an LGU na maibitaran an magabat na bulos nin trapiko sa siyudad.
An mga behikulong hale sa ikaduwang distrito kan Albay na mapasiring sa siyudad, pig-abisuhan na utubon an ‘backdoor’ na ruta na mapuon sa Brgy. Salvacion paluwas sa Bonto Boulevard asin Rizal Street.
An mga behikulo man na hale sa siyudad pasiring sa ikaduwang distrito pig-abisuhan na mag-agi sa national road asin lumiko sa Brgy. Basud paluwas nin Cobo.
