Naga abot eon sa 60 hasta 80 porsyento nga nalimpyuhan ro oil spill sa may banwa it New Washington, Aklan, suno kay Engineer Jonathan Salvador sa ginpatigayun nga presscon it Metallica Shipyard.
Sa bulig segun it Philippine Coastguard hay sigidas makarun ro andang monitoring halin sa Poblacion hasta sa mga tributaries hasta sa Brgy. Ochando. Ro rasun segun it oil spill nga natabo ku Mayo 26 hay bangud sa mabaskug ro habagat ngani madasig ro pagtaas it tubi ag naabutan it flooding ro barge nga nagtuga it pagtagas it langis.
Insigida man segun sanda nga naghimo it incident report angot kara, ag ginreport man eagi nanda raya sa local government para ma-contain ro pag-leak it langis. Naga salig sanday Engr. Salvador nga sa masunod nga dominggo hay malimpyuhan eon ro mga area nga apektado it oil spill bangud sigidas man ro ginapatigayun nanda nga clean-up. // ANN DESLENE SALAZAR