Patay ang notadong kawatan human misukol sa mga gingsakpan sa San Pedro Police Station kagahapon sa kadlawon sa Phase 2, Petonia St., El Rio, Brgy.19-B, ning syudad.
Kabaloan nga nagpatabang sa kapulisan ang usa ka alyas ROGELIO, 49, Construction Worker, nga temporaryong nanimuyo sa Bankerohan, Brgy.5-A, Davao City, ug lumad nga taga- Don Carlos, Bukidnon nga ang iyang mountain bike kantidad og Php10,000.00 ang pugsanong gikuha sa wala mailhing armadong lalaki nga naka- gray-colored Hoodie jacket, gray/black long pants ug sling bag.
Paspas sab nga mihimo’g aksiyon ang kapulisan ug pag-abot sa Phase 2, Petonia St., El Rio Vista, Brgy.19-B, Davao City, ilang na-korner ang suspek sakay sa gikawat niining bicycle.
Sa dihang nagpaila ang kapulisan, ug gimanduan ang suspek nga mutahan sa kaugalingon, mihulbot hinoon kini sa iyang armas nga anaa sa iyang sling bag ug gipabuthan ang mga miresponding police officers hinungdan nga napugos ang otoridad sa pagsukol.
Positibo pang giila sa biktima ang suspek nga maoy mikawat sa iyang bike ug dali kining gidala sa SPMC, apan gideklara kining patay sa iyang attending Physician nga si Dr. Princess Alora Ibay.
NArekober sa SOCO team sa posisyon sa suspek ang usa ka unit sa caliber .38 revolver nga giundan sa upat ka mga bala, (1) fired cartridge case, camouflage sling bag. Nakuha sab sa crime scene ang duha kabook bala sa caliber .9mm.
Sa gihimong follow up investigation sa kapulisan, ang suspek nailhan nga mao si alyas NORVEN, 26, ulitawo, nga taga-Domsat Road, San Rafael Vill., Davao City kinsa notorious suspect sa nagkadaiyang pagpangawat sa area of responsibility sa San Pedro PNP.
