-Daina Gerona
KABANKALAN CITY, Negros Occidental — Settled ukon ang ariglohanay na ang duha ka mga pamilya sang negosyante kag army angut sa nagluntad nga aksidente sa Barangay Tapi, Kabankalan tinalikdan nga adlaw.
Sa impormasyon nga nakuha sang Brigada Kabankalan nga pagasabton ni Gerry Vigo, ang driver sang Toyota Hilux pick-up, ang financial needs lakip na ang pagpalubong sa kay Mechor Baldomar nga nagtaliwan bangud sa aksidente.
Magluwas sini, pagasabton man ni Gerry ang bayad sa hospital sa pagpabulong ni Romeo Baldomar nga naka-angkon sang bagras sa mata kag pa x-ray sa posible nga mga fracture tuga sang impact sa pagkatabog sini.
Madumduman nga sang tinalikdan nga adlaw nga samtang nagapapuli ang tricycle nga ginamaneho ni Romeo Baldomar sakay ang iya nga utod nga si Melchor Baldomar papuli sa Tapi, lunsay mga negosyante kag residente sang Purok MGB, Barangay Suay, Himamaylan, sang hinali na lamang nga nag-overtake ang isa ka Toyota Hilux Pick-up nga ginamaneho ni Gerry Vigo, isa ka army kag residente naman sang Milan, Jamindan Capiz.
Na sideswipe sini ang tricycle kag na-igo sa manebala kag nagtabog ang driver kag sakay sini nga mag-utod.
Naka-angkon naman sang pilas si Romeo kag Melchor, nga gilayon nga gindala sa Kabanklan District Hospital apang si Melchor ang gilayon na nga gindeklara nga dead-on-arrival.*
