Nirerespeto ng Philippine Navy ang mungkahing pagkakaroon lamang ng iisang spokesperson ang gobyerno sa usapin ng West Philippine Sea.
Tugon ito nito Navy Spokesperson for the WPS Commodore Roy Vincent Trinidad, makaraang imungkahi ni Senate President Chiz Escudero.
Ito’y dahil sa kasalukuyan, marami umanong mga opisyal ang nagsasalita at nagbibigay ng reaksiyon ng mga isyung may kinalaman sa WPS.
Naniniwala si Escudero na lahat ng alitan ay mareresolba sa pamamamagitan ng pag-uusap kaya hinimok nito ang pamahalaan at ang China na magkaroon ng dayalogo para mapahupa ang sitwasyon sa WPS.
