Paglapas sa RA 10591 kon illigal possession of firearms ug alarm and scandal ang atubangon sa usa ka drayber nga nanion og pusil sa usa ka ulitawo alas 10:40 Sabado sa gabie Prk. Madasigun, Brgy. Zone-III, Sta Cruz, Davao del Sur.
Subay sa report, dali nga nagpakitabang sa pulis ang reklamante nga giilang si Christian Sevillano, 20-anyos human siya gitiunan og pusil sa suspek nga giilang si Victauro Agustin Palen, 47-anyos, minyo nga residente sa f Bagumbayan, Brgy. Zone-III sa maong lungsod.
Dugang pa nga duna lamang unta paliton ang biktima sa tindahan dihang kalit siyang gidool sa suspek og sa walay daghang istorya gihulbot niini ang dalang armas sa iyang sling bag og nanion.
Tungod sa kahadlok mikaratil og dagan ang biktima og misumbong sa pulis hinungdan nag girespondihan ug gidakop ang suspek nga nakuhaan og usa ka unit sa 9mm Norinco nag dunay lima ka buhing bala.
Ang armas giindorso na sa PNP Provincial Crime Laboratory Office, Digos City, alang sa ballistic examination samtang ang suspek detinado na karon sa Sta Cruz Municipal Police Station. BNFM-DAVAO
