SIGNIT sa entrapment operation sa Community Environment and Natural Resources Office (CENRO) ug PNP Maritime 12 ang gituohang wildlife trafficker sa GenSan.
Matud ni Atty. Felix Alicer, regional executive director sa Department of Environment and Natural Resources (DENR) 12 nasikop nila si Kyle Japitan, 23-anyos, taga Calumpang.
Dugang ni Alicer, napalitan ang dinakpan sa otoridad og duha ka Burmese pythons.
Ang maong bitin ang gibaligya online sa dinakpan og naa sa P2, 500 matag usa, dugang ni Alicer.
Gawas sa bitin, nakuha usab sa operasyon ang P7, 500 buy busy money ug cellphone.
Kasong pagsupak sa Wildlife Resources Conservation and Protection Act ang gipasaka sa otoridad batok sa dinakpan.
Ang Burmese python ang naa sa listahan sa vulnerable species sa International Union for Conservation of Nature. I Richel Gubalani
