LEGAZPI CITY – Piglatag na kan lokal na gobyerno kan Camalig an nagkapirang lakdang sa pagpreparar sa El Niño phenomenon.
Obheto kaini na masiyerto an kamarayan kan publiko sa tahaw kan matinding init ki panahon kun sain kasarabay sa mitigation plan iyo an pag-develop nin source ki tubig, pagbilog nin water regulatory board, well-drilling dugang pa an pagpromotir nin ibang kabuhayan asin an animal health program para sa industriya nin livestock.
Mientrastanto, napag-orolayan ini sa paagi kan El Niño Task Force na kumpwesto kan manlain-laing departamento sa banwaan asin iba pang opisina.