LEGAZPI CITY – Dai pig-uyunan kan nagkapirang jeepney operators sa Albay na imamanehar nin kooperatiba an gabos na mga unit nin modern jeepneys en kaso man na magbakal sinda.
Sa irarom kaya ini kan pipirmahan nindang consolidation na parte kan jeepney modernization.
Sa intrivista kan Brigada News FM Legazpi kay Driver Safety Enforcer Ronel Nebres, base sa saiyang pakikipag-olay sa mga operator, mas gusto ninda na kada indibidwal man giraray an magkapot kan mga unit, kun sain pag ini an napangyari, pwedesir pa nindang makonsiderar na magkua nin mga modern jeep asin ilingon kun may kita pa man sindang makukua.
Kun magigirumduman kaya, enot na man sinabi ni Nebres na nasa 80% nin mga jeepney operator sa Albay an wara man nin balak na magbakal nin modern jeepney unit.
