Ginpangunahan nanday Archbishop Victor Bendico, D.D., ag Bishop Corazon Talaoc, D.D., ro blessing sa bag-ong bukas nga Museo Kardinal, ro dating residensya ni Jaime Cardinal Sin, nga gin-ubra nga museum it Diocese of Kalibo sa banwa it New Washington, Aklan.
Ro nasambit nga okasyon hay gin-atendiran it pila ka mga Pari, nga ginaeakipan nanday Rev. Fr. Dexter Sontillano, Rev. Fr. Freddie Billanes, Rev. Fr. Dedert Duarte, ag Rev. Fr. Jonel D. Lamila.
Pila sa mga ginpatigayun sa nasambit nga okasyon hay ro Agubayan Dinner and Cultural Show, Tribute Mass and Wreath Laying, ag Blessing and Opening it Museo Kardinal bilang kaparte it selebrasyon sa ika- 96th birth anniversary ni Jaime Lachica Cardinal Sin, nga native it banwang New Washington, Aklan.
Raya nga event hay para sa kadungganan ni Cardinal Sin pinaagi sa pagtinguha it Serviam Foundation, Inc., Diocese of Kalibo, ag Local Government Unit of New Washington. // ANN DESLENE SALAZAR
