Nagapanawagan ang Dumalag Local Government Unit sa mga pumuluyo kag umalagi nga humalin Lunes nga adlaw, Hulyo 1, magasugod na ang pagpatuman sang Municipal Traffic Ordinance pinaagi sa Dumalag PNP kag Dumalag Auxiliary Force.
Sandig sa anunsyo, kalakip sa iga-implementar amo ang No Helmet No Travel Policy, pagdumili sa pagmaneho sang mga motorsiklo nga Open Muffler, kag pagmaneho sang mga salakyan ukon motorsiklo nga wala Franchise ukon (Colorum).
Tinutuyo sang nasambit nga ordinansa agud malikawan ang mga aksidente sa dalanon nga nagaresulta sa pagkapilas kag pagka-utas sang kabuhi.| Ken Mark Gicalde
