Dead on arrival sa ospital ang usa ka motorista human nakasugamak og disgrasya sa Nazareno St, Brgy. Poblacion Uno, Bansalan, Davao del sur kagabii.
Sa report sa Bansalan Municipal Police Station giila ang biktima nga si Edward Ceballos Sevilla, 36-anyos ulitawo nga taga Kidapawan City samtang ang nagmaneho sa SUV si Alimar Ali usa ka pulis.
Sumala pa nga padulong sa Bansalan ang SUV nga gimaneho ni Ali sa dihang kalit na lamang mibangga sa likuran ang motorsiklo ni Sevilla rason nga nahandos kini sa kongkretong dalan.
Gidala pa sa ospital ang biktima apan gideklarang patay sa mananambal samtang ang pulis gibuhian gihapon sa kapolisan sanglit dunay nahitabong amicable settlement sa pamilya sa motorista. BNFM-Davao
