Sumemplang sa karsadahn ru sangka motorsiklo matapos aksidenting mag banggaan kontra van sa Capitol Site Brgy. Estancia. Kalibo, Aklan.
Gina maneho ru motorsiklo ni Angelo Tan, 22 anyos it Osmenia Ave, Estancia, Kalibo samtang, gina maneho man ru van ni Kimberly Jael Miraflor, sa legal nga edad ag residente it Purok 3 Bulwang, Numancia, Aklan.
Parehong naga paliko sa waea nga portion it daeanon ru 2 behikulo kat matabo ru aksidente.
Naka angkon it lastro sa kaeawasan ru driver it motorsiklo matapos nga sumemplang samtang nasamad ru prente nga bumper it van.
Samtang, nagkaeasugot ru kada panig nga indi eon magpasaka it kaso.//MARIVIC Y. ILIN
