Gin reklamo it reckless form of driving ru sangka motor rider nga nakit-ang nag-exhibition samtang naga maneho it motorsiklo sa sangka lugar sa probinsya’t Aklan.
Suno kay Mr. Marlon Velez, chief LTO-Kalibo District, nakilaea ru motor rider nga si Jayson Aguirre sa legal nga edad.
Nagpangayo sigun it pag pasaylo si Aguirre sa publiko sa saea nga anang nahimo sa pag maneho.
Dugang pa ni Velez, maga paidaeom it defensive driving seminar si Aguirre sa LTO-Kalibo sa sueod it 3 adlaw agud indi sigun mabutang sa aeang-aeang ru tanan nga mga drivers ag stakeholders sa daean.
Ru Land Transportation Office (LTO) hay may advocacy nga road safety rason nga uwa nanda gina toleraha ru mga pasaway nga mga motor riders kabaylo kara hay andang paga buligan sa pagtao it trainings agud mag tanda.//MARIVIC Y. ILIN
