Bumangga sa punot kahoy patay ru sangka motor rider matapos ma lost control sa gin amaneho nga motorsiklo sa Sitio Bnag-bang Brgy. Fulgencio, Balete, Aklan.
Sa report, nakilaea ru biktima nga si Lenie Rico, 30 anyos ag residente it Brgy. Calizo, Balete, Aklan.
Samtang, nakilaea man ru angkas nga si Arwin Villas, legal nga edad nga padayon pang gina bueong sa hospital.
Naka angkon it patal nga igo sa ueo ru biktima rason nga eaging gin daea sa hospital it MDRRMMPO Balete apang namatay samtang gina bueong.
Halin sigun sa Brgy. Morales, Balete ru daywa ag naga pauli eon konta kat matabo ru aksidente.//MARIVIC Y. ILIN
