Tuloy ang pagsasagawa ng clearing operation ng Metropolitan Manila Development Authority (MMDA) mula Roxas Boulevard, Pasay City hanggang Baclaran, Parañaque City.
Ayon kay MMDA General Manager Frisco San Juan Jr., target ng kanilang operasyon na malinis ang magkabilang bahagi ng Roxas Blvd.
Aniya, bibigyan muna nila ng warning ang ilang mga tindera doon at sisitahin ang mga ito sa ngayon dahil na din sa epektong dulot ng kasalukuyang pandemya sa hanap-buhay ng mamamayan.
Samantala, iginiit ng pamunuan na kapag sila ay mahuhuli ulit ay hindi na sila mapagbibigyan at itutuloy ang pagkumpiska ng kanilang mga gamit at paninda. (ARGIE ERGINA)
