LEGAZPI CITY – Kinumpirmar kan Legazpi City Police Station na miyembro kan Philippine Army an nahiling na gadan sa irarom nin tulay sa boundary kan Brgy. Lamba asin Puro kan syudad nin Legazpi.
Segun sa report, alas 12:30 nin hapon kasuudma kan makaresibe nin report an pulisya hale sa sarong concerned citizen manungod sa insidente asin tulos man nindang dinuman tanganing beripikahon.
Nahiling na sana kan mga pulis na wara na nin buhay an biktima na binistong si alyas “Jojo”, tubong Mindanao na nakaagom sa Naga City, may tama sa parte kan lawas asin narekober pa an saiyang dara-darang badil.
Padagos pang pig-iimbestigaran kan pulisya an insidente asin nagsayuma an Philippine Army na magtaong impormasyon manungod digdi.
