LEGAZPI CITY – Dinagsa at halos napuno ang Albay Cathedral kahapon dahil sa misa para sa hustisya ni Albay Gov. Noel Rosal matapos i-diskwalipika sa pagkakahalal nito bilang gobernador ng lalawigan.
Sa naging pahayag ni BM Rolly Rosal, sinabi niyang ang nararanasan nilang ito ay isang crisis at malalampasan din nila ito.
Aniya, kung titingnan ay maganda naman ang hangarin o ipinapakita ng bawat opisyal ng gobyerno at mga empleyado ngunit hindi nila inakalang may mga mangyayaring hindi inaasahan tulad na lamang nito.
Dagdag pa niya, naging maganda naman direksyon sa pagpapatakbo o pamamalakad ng mga opisyal ng gobyerno sa lokalidad at maging sa Pamahalaan Panlalawigan.
Binigyang-diin pa nito na mayroong dahilan kung bakit nila ito nararanasan, kung saan, kinakailangang magkaisa para hindi masayang ang nasimulang pagbabago sa Albay at lungsod ng legazpi.
Pinasalamatan din nito ang bumuo sa pag-oorganisa ng misa at mga dumalong mga barangay official, empleyado ng City hall, Sangguniang Panlungsod, at marami pang iba na pagpapakitang suporta sa kasalukuyang Gobernador.
