Nabatun eon it mga micro rice retailers ro kabilugan nga P2.34 million nga subsidy sa ginlunsar it DSWD-6 nga ikaywang adlaw nga payout sa Western Visayas.
Ro nasambit nga haega hay nabatun it kapin sa 156 qualified recipients sa balor nga P15,000 kada isaea sa idaeum it Sustainable Livelihood Program-Economic Relief Subsidy (SLP-ERS) it gobyerno.
Iya sa Aklan hay kapin sa 29 ro naging benepisyaryo; Antique, 17; Capiz, 29; Negros, 37; Iloilo, 14; ag Guimaras, 30.
Mismong DTI ro nagtumod sa mga benepisyaryo it nasambit nga programa. // ANN DESLENE SALAZAR
