Base sa kumpirmasyon ni Iloilo City Loop Alliance of Jeepney Operators and Drivers Association (ICLAJODA) Pres. Raymundo “Boyet” Parcon, naghiwat sanda it meeting sa taga-Iloilo City Alliance of Drivers Association (ICADA) ag Iloilo City Alliance of Jeepney Owners and Drivers Association (ICAJODA) kaangut sa plano nga pagdugang sa pamasahe sa transportasyon.
Base sa mga transport group it siyudad, plano nga dugangan it P2.50 ro pamasahe sa mga public transportation bangud sa sunud-sunod nga pagtaas it presyo it mga produktong petrolyo.
Ginpahayag man ni Parcon nga pagabtunon nanda ro P1.50 o P1.00 nga dugang pamasahe kung raya eang nga balor ro pagasugtan it LTFRB.
Dugang pa nanda, nalisdan ro mga driver bangud sa padayon nga pagtaas it petrolyo kapin pa hay sa 50% capacity eang it mga jeep ro ginapatuman./JIL B. LACSON
