NAGA CITY – Buhay na buhay pa ang road clearing operation sa Naga City bilang pagpatupad sa ilang ordinansa kabilang na ang wheel clamp at sidewalk vending ordinance na tila binabalewala na naman.
Marami na namang sasakyan ang naka parade sa maling lugar kaya na we-wheel clamp ang mga ito at maging ang mga sidewalk vendors halos nasa gitna na naman ng kalsada.
Ito ang pagsasalarawan ni Renne Gumba, executive director ng Public Safety Office sa matapos na makita niya ang sitwasyon ng mga ito.
Bilang kanilang pag-aksyon, alas sais pa lamang ng umaga ay naka deploy na ang mga PSO personnel para hulihin ang mga violators.
Nakakalungkot aniya dahil sa pagbibigay nila ng konsiderasyon ay inaabuso naman sila, kaya kailangan na higpitan uli at bigyan ng penalidad batay sa nakapalaman sa ordinansa.
Partikular na may ganitong senaryo ay sa paligid ng Naga City People’s Mall at sa iba pang major streets ng lungsod.
