Base sa ginpatigayun nga laboratory examination it National Fisheries Laboratory Division (NFLD) gamit ro Receptor Binding Assay (RBA) method, nagaguwa nga ro mga nakolektang shellfish samples halin sa kaeawran nga sakop it Panay, Pilar, President Roxas, Ivisan, Sapian ag Roxas City sa Capiz, Gigantes Island, Carles, Iloilo ag Altavas, Batan ag New Washington, Aklan hay may una nga saxitoxin nga somobra sa regulatory limit it 60 microgram saxitoxin nga bukon it salbar kaunon it mga tawo.
Ro mataas nga level ng Saxitoxin hay nagatuga it Paralytic Shellfish Poisoning (PSP) nga nagaresulta sa neurological symptoms, kaeakip eon ro pagpaeaminhod, pagpang euya ag pagkaparalisa.
Sa malala nga kaso hay pwede rayang makaapekto sa respiratory muscles nga nagresulta sa kabudlay it pagginhawa ag posibleng kamatayun.
Hugot nga ginahambaean ro publiko nga indi anay magkaun, magharvest, magdaea ag magbaligya it tanan nga klase it shellfish ag Acetes o kilaea bilang alamang o hipon halin sa nasambit nga mga lugar.
Ro mga isda, pusit, hipon ag alimango hay salbar nga kaunon it tawo basta eab-as ro mga raya ag dapat nga hugasan it mayad partikular ro andang mga kasudlan parehu it hasang ag tina-e hay dapat nga boe-on bago eahaon.
Padayun man nga ginamonitor it BFAR 6 ag iba pang concerned Local Government Units ro mga shellfish growing areas para masiguro ro ikamayad nga eawas it publiko ag maprotektahan ro fishery industry. // ANN DESLENE SALAZAR
