Gimandoan sa Lokal nga Paggamhanan sa Tagum City ang tanang focal offices nga maoy gitahasan sa mga dakong infrastructure projects nga dalion ang konstruksyon aron magamit na gilayon sa hinanaling panahon.
Pipila sa mga proyekto mao kini ang Sanitary Landfill sa Barangay Nueva Fuerza, Muslim cemetery sa Barangay La Filipina, ug 2 ka infra-proyekto sa Magugpo West diin naglakip sa rehabilitasyon sa basa ug uga nga bahin sa Tagum Public Market ug ang pagtukod sa 2-storey City Economic Enterprises Office ug dugang stalls sa merkado.
Una ng nagpahigayon og occular inspection ang Tagum LGU inabagan sa City Engineer’s Office (CEO) ug sa City Environment and Natural Resources Office (CENRO) aron masuta ang kahimtang sa multi-million projects nga gipondohan sa Tagum LGU.
Ang maong proyekto kini usa sailang mga pamaagi aron masulosyonan ang problema sa komunidad sa Tagum City ug aron matubag sab ang suliran sa paglabay sa basura, maka-angkon og limpyo nga Palengke ug hustong lubnganan sa Muslim community ug uban pa.
