Lumobo ang maritime militia deployment ng China sa Mischief Reef o Panganiban Reef noong Hulyo 2023, kung saan hindi bababa sa 180 sasakyang-dagat ang nakitang nagtitipon sa loob ng exclusive economic zone (EEZ) ng Pilipinas.
Ayon sa Washinton-based think tank na Asia Maritime Transparency Initiative (AMTI), sinusubaybayan nito ang mga barko ng China na naka-deploy sa buong South China Sea gamit ang kanilang satellite imagery.
Naobserbahan nila ang 195 Chinese militia vessels noong nakaraang taon, na may sukat sa pagitan ng 45 hanggang 65 metro.
Bukod pa rito, iniulat ng Philippine Navy noong Enero na may naobserbahang 200 militia ships, 15 -25 warships, at 10-15 coast guard ships mula sa China sa paligid ng Panganiban Reef.
