Nagdesisyon ro Malay Municipal Transportation Office nga i-dipose ro mga nakatengga nga saeakyan nga na-impound bangud nagatuga raya it congestion sa impounding area.
Ro nasambitan nga aksyon hay base sa Section 4 it Municipal Ordinance No. 456, series of 2021, enkaso nga indi matubos it tag-ana ro mga na-impound nga saeakyan sa suoed it sangka dag-on, pwede raya nga i-dispose paagi sa pagbaligya it mga parte it saeakyan sa mga junk shops.
Sa report, sa 60 motorbike, ap-at ka top down, ap-at ka tricycle, sambilog ka multicab ag sambilog ka e-trike ro uwa natubos it tag-ana.
Samtang ro kwarta nga malikom sa pagbaligya hay maadto sa pondo it Traffic./JIL B. LACSON
