GIATANGAN na usab sa mga mag-uuma gikan sa Glan, Sarangani Province ang mamahimong unod sa State of the Nation Address kon SONA ni Pangulong Ferdinand Marcos Jr.
Sumala sa usa ka mag-uuma sa Barangay Kalpidong, Glan nga si Jovert Novio ug Jovy Nebris sa karon ang ilang sitwasyon mao pa ang pag recover gikan sa epekto sa tag-init kung asa wala sila nakatanum ug wala usab nakaani ilabi na sa mais nga maoy nag-una nila nga produkto.
Sa dihang nakatanum sila og mais giataki usab sa ulod susama usab sa laing mga dapit mao nga nag gasto sila sa pag-spray og pestisidyo.
Ang ilang hangyo nga unta mahatagan sila og ayuda nga pangkonsumo o semilya aron makatanum, bisan bugas mais ilang dawaton gumikan mao man ang ilang adlaw adlaw nga ginakaun. I Ver Diazon
