Aminado ang Provincial Disaster Risk Reduction and Management Office (PDRRMO) nga prone na sa pagbaha ang mga kabanwahanan sa probinsya sang Capiz.
Suno kay Atty. Shiela Artillero, pinuno sang PDRRMO-Capiz, halos tanan nga mga banwa sa probinsya ang naka-eksperensya na sang pagbaha sa tion nga magbubo ang mabaskog nga pag-ulan.
Nahibaluan, nagtukod sang committee for dredging activity sa tagsa ka Local Government Units (LGUs) si Governor Fredinel Castro nga amo ang magatutok para mahawanan kag mapadalom ang mga kasubuan agud indi na magpundo ang tubig kag malikawan na ang pagbaha sa nagkalain-lain nga lugar. | Judy Ann Juare
