Nakataeana nga ipasara ro siyam nga mga irrigation system sa palibot it rehiyon umpisa sa Marso 1 hasta Abril 30.
Raya hay base sa pamunuan it National Irrigation Administration (NIA) Regional Office 6.
Ro pagpasara it NIA-6 sa mga irigasyon hay para taw-an it daean ro maintenance ag paglimpyo it mga irigasyon, agud maging haum sa buean it Mayo o pag umpisa it pananum it mga mangunguma.
Kada dag on ro pagpasara it mga irigasyon ag may nagakaigu segun raya nga notice sa mga mangunguma bago ipatuman.
Bangud kara, ginpanugyan sa mga mangunguma nga indi magtanum it nagakinahangean it tubi ag sa baylo hay ro itanum nanda hay mga tanum nga owa masyado nagakinhangean it maabung tubi. // ANN DESLENE SALAZAR
