GIPAPAULI sa opisyal sa Sangguniang Panlungsod (SP) sa GenSan ang mga empleyado human nakasinati og pagpanakit sa ulo.
Duna usab mga empleyado nga mireklamo nga naglisod og ginhawa ug giatake sa hika human makasimhot og baho gikan sa epoxy ug abog gikan sa pagmasilya sa ginahimong Legislative Research center.
Matud ni Dr. Hannahleen Chu- Senson, miyembro sa Occupational Safety and Health (OSH) girekomenda niya ang work from home. Tumong dili mabutang sa resgo ang mga empleyado sa gihimong epoxy painting ug pagmasilya sa gigama building kilid sa SP building. Gisiguro ni Bise Mayor Rosalita Nuñez, luyo sa deklarasyon nga work from home dili maapektado ang adlaw adlaw nga trabaho sa mga empleyado. Dugang ni Senson, posibleng ma-poison ang tao nga expose sa baho sa epoxy paint ug makasinati og irritation sa ilong, baga ug tutunlan. I Richel Gubalani
