Bilang pagdumdom sa International Coastal Clean Up Day 2022, nagpaguwa it memo si Kalibo Mayor Juris Sucro sa mga Department Heads it LGU Kalibo.
Raya hay para maka partisipar ro mga empleyado sa nasambit nga clean up drive umpisa 6:30 AM hasta 9:30 it agahun hin-aga Setyembre 17, 2022.
Ro pagpanglimpyo hay igapatigayun sa pila ka mga baybayon sa Kalibo kaeakip eon ro atubang it Beach Boys Pook hasta Seaport II, Pook Seaport II hasta Mabuhay Jetty Port, Caano Baybay hasta Pudlon Beach ag Kalibo hasta New Washington boundary. / ANN DESLENE SALAZAR
