LEGAZPI CITY – Aminado an Philippine Red Cross Albay na dae man maiibertarang mag-expire an nakokolektar na mga dugo hale sa mga ginigibong bloodletting activity.
Segun kay Nicole Malagueño, Medtech kan Red Cross Albay, dakol kaya na mga bloodletting an pinagkokondusir.
An mga bulan nin Abril asin Mayo an season na kadalasan nagkakaigwa nin expired nin dugo nin huli ta kadakol an mga bloodletting activity.
Dae man masabi ni Malagueño kun anong bloodtype an madali o madalas na mag-expire alagad an sinabi sana kaini Type O positive an may pinakadakol na blood type sa mga nagdodonar.
Sa ngunyan, an supply ki dugo sa probinsya bastante pa asin dai man nagkakaigwa nin shortage.