Nagpaalala ang Department of Health (DOH) sa mga healthcare workers na mahigpit na ipinagbabawal ang pagtanggap ng mga regalo sa mga pharmaceutical companies kapalit ng pag-po-promote sa kanilang mga produkto.
Ayon kay DOH Sec. Ted Herbosa, inaasahan sa mga medical professional na panindigan ang kanilang professional at ethical standards.
Sinabi naman ni DOH Assistant Secretary Albert Domingo na iniimbestigahan na nila ang umano’y kumakalat na marketing scheme ng mga drug firm.
Paliwanag ni Domingo, nakalagay kasi sa medical code of ethics na hindi dapat tatanggap ng kabayaran o reward na nagmumula sa medical companies para bigyang pabor ang kanilang produkto.
Sa oras na mapatunayan ang naturang gawain ay maaaring mawalan ng medical license ang mga sangkot na doktor.
