KORONADAL CITY- KINUMPIRMA ni Philippine Drug Enforcement Agency o PDEA 12 Assistant Regional Director Atty. Francis Del Valle na may mga drug personalities na bumalik na naman sa kanilang dating bisyo at illegal drug activities pagkatapos na bumaba sa pwesto si dating pangulong Rodrigo Duterte.
Ayon kay Del Valle na ito ay batay sa monitoring at mga natanggap na reports ng kanilang tanggapan.
Karamihan aniya sa mga ito ay mga dating drug surrenderers noong panahon ng Duterte administration kung saan naging maigting ang war on drugs campaign.
Inihayag ng opisyal na ang mga inireport na bumalik sa kalakaran ng ilegal na droga ay isinasailalim sa validation at kung mapapatunayan ang kanilang involvement, ang mga ito ay nagiging subject ng anti-illegal drugs operations ng ahensya.
