LEGAZPI CITY – Hinali na kan Philippine Institute of Volcanology and Seismology (PHIVOLCS) an pagkahandal kan Bicolanos partikularmente an mga Albayano manungod duman sa tsunami advisory na naenot nindang ipinaluwas katakod kan nangyaring 7.2 magnitude na linog sa Taiwan kasuudma nin pagkaaga.
Sa intrevista kan Brigada News FM Legazpi kay PHIVOLCS Resident Volcanologist Dr. Paul Alanis, pigklaro niya na wara ki tsunami warning na nakalangkaw ngunyan sa Bicol.
Tinawan-doon niya, system-generated error an tsunami warning na naenot nindang nai-post kasuudma, alagad tulos man ninda ining pig-take down asin nakapagpaluwas nin updated na abiso.
