Nasikop sa mga health marshals nga gipangulohan ni retired Gen.Rey Lyndon Lawas ang unom ka mga batan-on nga nag-inom sa pampublikong lugar kagahapon mga alas 5:30 sa hapon,Agosto 18,didto sa Siliman Beach,Brgy.Bantayan,Dumaguete City.
Ang mga batan-on nagpangidaron og 18 ngadto sa 23 anyos,nagtagay sa ilimnong makahubog samtang nagtapok-tapok,diin usa kini ka paglapas sa health protocols nga ubos sa ordinansa sa lalawigan.
Daling gidala sa buhatan sa kapulisan sa syudad sa Dumaguete ang mga dinakpan para sa insaktong disposisyon.///Ariel Morro Amistoso
