LEGAZPI CITY – Tinawan-doon kan Department of Health (DOH) Bicol na an mga kaakian an kadalasang mas prone sa helang na cholera.
Segun kay Medical Officer III Dra. Mildred Tianes sa intrevista kan Brigada News FM Legazpi, an cholera sarong klase nin diarrheal disease na nakakagadan.
Sinabi niya, bako ini normal na pag-aati sana.
An iba kaya, pigpapasipara ini asin dai nagpapahiling sa doctor huli ta an paghuna, simpleng pag-ati sana.
Kadalasan kaya, segun kay Tianes, an sintomas kaini, itong bako frequent na pag-ati na bako makulog an tulak alagad dere-deretso asin tubig.
Pag-arog su boot kaini, dapat maipahiling asin maidara sa health facility.
Segun saiya, mas dakol na mga kaakian an mga nagagadan sa cholera huli ta sinda an madaling ma-dehydrate.
