Palig-unon pa karon ang mental health services sa Cagayan de Oro homan nga gikabalak-an ug alarming na ang kaso sa mga tawo nga nakasinati sa depresyon.
Sumala ni City Social Welfare and Development-Psychosocial Unit Head Jaymee Leonen nga mihimo na sila og lakang ug koordinasyon sa
Department of Education lakip sa mga nagkadaiyang barangay aron mahatagan og importansya ang mental health.
Pabilin gihapon ang counseling program sa nahisgutan nga buhatan ug bukas ang ilang hotline services pinaagi sa numero nga 0970-0392-709.
Namatikdan sab karon ni Leonen nga kasagaran sa mga nahimong biktima niini mga kabatan-unan, ug kini ang hinungdan nga mas gipalig-on sa ilang buhatan ang pakig-alayon sa mga gadumala sa matag eskwelahan.
Mi-apelar sab ang CSWD sa mga gustong mag-bolontaryo nga mahimong counselor, bukas ang ilang buhatan sa pagdawat aron mapailawom nila sa pagbansay, pinaagi sa pakig-koordinar kanila sa facebook page sa CSWD CDO Psychosocial ug mag-email kanila sa [email protected].
